ભીલીદ્રા ગામમાં ડાંગર રોપણી દરમિયાન મગરનું બચ્ચું જોવા મળતાં ખેડૂતોમાં ચિંતા 🐊
ભીલીદ્રા, તા. 1 ઓગસ્ટ: ભીલીદ્રા ગામમાં ડાંગરની રોપણી દરમિયાન ખેતરમાં અચાનક મગરનું બચ્ચું જોવા મળતાં ખેડૂતોમાં થોડા સમય માટે ભયનો માહોલ સર્જાયો હતો. મગરનું બચ્ચું દેખાતા ખેડૂતોએ સાવચેતી રાખી અને અન્ય લોકોને પણ ખેતરથી દૂર રહેવા સૂચના આપી હતી.
ચોમાસાની ઋતુ દરમિયાન નદીઓ, તળાવો અને પાણી ભરાયેલા વિસ્તારોમાંથી જળચર પ્રાણીઓ ખેતરોમાં પહોંચી જતા આવા બનાવો બનતા હોય છે. ખેડૂતોને ખેતરમાં કામ કરતી વખતે ખાસ સાવચેત રહેવા અને મગર કે અન્ય જંગલી પ્રાણી દેખાય તો તેને પકડવાનો પ્રયાસ ન કરી તરત જ વન વિભાગને જાણ કરવાની અપીલ કરવામાં આવે છે.
આ ઘટનામાં કોઈ જાનહાનિ કે ઈજા થઈ નથી. જોકે, મગરનું બચ્ચું જોવા મળતાં ગ્રામજનોમાં કુતૂહલ સાથે ચિંતાનો માહોલ પણ જોવા મળ્યો.
